Oranje in dorp nou die kleur van veiligheid

Mandla Mabuza, Agnes Nkosi, Rose Mathabela en Elvis Ngobane.

Mandla Mabuza, ‘n trotse toeriste-ambassadeur vir Hazyview, se lewe het ingrypend verander sedert hy by die Kruger Lowveld Tourism (KLT)-groep, onder leierskap van Chris Harvie, aangesluit het.

Volgens Mabuza het misdaad baie afgeneem sedert hulle meer sigbaar is in parkeerterreine van winkelsentrums, op die voetgangersbrug, by die Blue Haze Mall en oral in die dorp waar toeriste meestal aandoen.

By Perry’s Bridge voorsien hulle toeriste en besoekers van pamflette wat padkaarte met aanwysings na besienswaardighede in die omgewing het.

Mabuza sê ook dat met behulp van die nodige opleiding, hy nou baie meer van Hazyview af weet en dat Harvie se aandeel in hulle opleiding hulle in staat stel om baie meer ingelig te wees. Sy droom is om eendag ‘n toergids te word, en met sy geesdrif is dit nie buite sy bereik nie.

Met hulle helder-oranje klere en onderbaadjies wat aandui dat hulle deel is van die toeriste-ambassadeursgroep en elkeen ‘n tipiese veldhoed dra, kan besoekers hulle maklik uitken.

Toegerus met radio’s en selfone is die spanne gedurig in kontak met mekaar en hulle hoof, Elvis Ngobane, wat in samewerking met die SAPD help om misdaad te bekamp.

Agnes Nkosi wys die brosjure met die padkaart wat aan besoekers oorhandig word

Agnes Nkosi wys die brosjure met die padkaart wat aan besoekers oorhandig word

  AUTHOR
Thelma Nel

Latest News

COMMENTS

Top
Recommended Story x
Bus accident leaves at least 30 injured